Qyzylorda oblystyq kópbeıindi aýrýhanasynda úsh naýqasqa búırek transplantasııasy sátti jasaldy, dep jazady Egemen.kz.
Alǵashqy transplantasııa 41 jastaǵy áıel adamǵa jasaldy. Resıpıenttiń aǵasy donor bolyp, búıregin berdi. Osy kúni 20 jastaǵy jigittiń de búıregi aýystyryldy. Donor naýqastyń 54 jastaǵy anasy boldy. Úshinshi otadaǵy 43 jastaǵy áıelge eri bir búıregin berip otyr.
Transplantasııany Qyzylorda oblystyq kópbeıindi oblystyq aýrýhanasynyń bas dárigeri, transplantolog, PhD Jasulan Baımahanov, bas dárigerdiń hırýrgııa jónindegi orynbasary, PhD Erbol Serikuly jáne «A.N. Syzǵanov atyndaǵy Ulttyq ǵylymı hırýrgııa ortalyǵy» AQ transplantologtary Ernur Belgibaev, Elshat Nábıevtiń komandasymen birlesip jasady. Qazir sátti ótken otadan keıin naýqastar tıisti em qabyldap jatyr.
Buǵan deıin osy aýrýhanada 8 ret búırek, 1 baýyr almastyrý otasy sátti jasalǵan.